ဆိုင်တမရဲ့ ဒီစနေ....

လွန်ခဲ့တဲ့ လ ကစပြီး ဒီကနေ့ အထိ အ၀တ်အထည် တွေ အလှူခံခဲ့တဲ့ အချိန်အတွင်းမှာ မှတ်မှတ်သားသားကို အလုပ်ရှုပ် သွားတာကတော့ မနေ့က (စနေနေ့) ပါဘဲ။ အ၀တ်အထည် တွေကို စနေနေ့ နေ့လည်မှာ ထရပ်ကားတွေ နဲ့ စင်းလုံးတိုက် လာလှူမယ်လို့ ကြိုတင် ဖုန်းဆက် အကြောင်းထား တာက သောကြာနေ့ အထိ volunteer (၃) ဖွဲ့ဘဲ ရှိခဲ့တာပါ။ ဒါပေမဲ့ မနက် (၈) နာရီလောက် ကစပြီး တော့ တခြား အလှူရှင် တွေဆီကနေ ဖုန်းတွေ ဆက်တိုက် ဆိုသလိုဘဲ ၀င်လာပါတော့တယ်။ အခုထွက် လာပြီဖြစ်တဲ့ အကြောင်း၊ နောက်ထပ် နာရီဝက် အတွင်းမှာ ကျောင်းအဆောင် ကို ရောက်လာမှာ ဖြစ်တဲ့ အကြောင်း၊ အ၀တ်အစားတွေ ပုံးတွေနဲ့ အတော်များများ ပါတဲ့ အတွက် အဆောင်မှာ စောင့်နေကြ စေလိုတယ် ဆိုတယ်တာ တွေကို အကြောင်းကြား လာကြပါတယ်။

ကံကောင်းတာ ကတော့ ကျွန်တော်ကလဲ အဲဒီနေ့မှာမှ ဖြစ်တောင့် ဖြစ်ခဲ နာရီမှားကြည့် ပြီး ၆ နာရီ ခွဲ လောက် ကတည်းက နိုးနေပါတယ်။ ဒါကြောင့် ချက်ခြင်းဘဲ တခြား သူငယ်ချင်းတွေကို ဖုန်းဆက်ပြီး အဆောင်မှာ သွားစောင့်နေလိုက်ပါတယ်။ မကြာခင်မှာဘဲ ဆိုင်တမခရိုင် အတွင်းက volunteer အဖွဲ့တွေ ထရပ်ကား(၃) စီးနဲ့ တပြိုင်နက်ထဲမှာ အပြိုင်အဆိုင် ဆိုသလို ရောက်လာ ကြပါတယ်။ ပစ္စည်းတွေ ထားမဲ့ အခန်းနဲ့ အနီးဆုံး နေရာမှာ ကားတွေထိုးပြီး တာနဲ့ အားလုံးဘဲ လက်မလည်အောင် ပစ္စည်းတွေချ နေတဲ့ အချိန်အတွင်းမှာ ကိုဘဲ နောက်ထပ် လာပို့တဲ့ အဖွဲ့တွေ က အဆောင်ထိ မလာတက်လို့ ကျောင်းနားက ကားပါကင် မှာ တစ်ချို့၊ ကျောင်းဂိတ်ဝမှာ တစ်ချို့ စောင့်နေတယ် ဆိုတာတွေကို ဖုန်းဆက် လာကြပြန်ပါတယ်။ လမ်းညွှန်ပေး ပေမဲ့လည်း မလာတက်ဘူး ဘဲ ပြောနေတော့ လူခွဲပြီး လိုက်ခေါ်ရ၊ ရောက်လာတော့လည်း တခါပါလာတဲ့ ပစ္စည်းတွေ ချရ၊ ပြီးတော့ ခါးကျိုးမတက် ကျေးဇူးတင်စကားတွေ ပြောရနဲ့ နေ့လည်လောက် ရောက်တော့ အားလုံးဘဲ ဟိုက်နေကြပါတယ်။






ကားတွေ အနည်းငယ် ရှင်းသွားတဲ့ နေ့လည် (၁) နာရီ လောက်မှာတော့ ပစ္စည်းတွေက တောင်ပုံရာပုံ ဖြစ်နေပြီး၊ International House ကပေးထားတဲ့ Family Room အခန်းလွတ် (၂) ခုနဲ့ Assembly Hall တစ်ခုလုံးလဲ ထားစရာ မရှိတော့ လောက်အောင် ပြည့်သွားပါတော့တယ်။ အဆောင်မှာ အခန်းလွတ်တွေ ရှိသေးလား၊ မရှိတော့ဘူးလား ကလည်းမသေချာ၊ အားလုံးလည်း ကြံရာမရကြနဲ့ နောက်ထပ် တခန်းထပ်တောင်းဖို့ အားယူနေတုန်း မှာဘဲ မြန်မာတွေကို အင်မတန် စာနာနေတဲ့ Ihouse Staff တွေက အဆောင်ရဲ့ နောက်ဆုံး အခန်းလွတ် တစ်ခုကို သုံးဖို့ ဖွင့်ပေးလိုက် တဲ့အတွက် ပစ္စည်းထားမဲ့ နေရာ အခက်အခဲက ပြေလည်သွားခဲ့ပါတယ်။ ဒါနဲ့ ခဏနားကြပြီး မကြာခင် အချိန်မှာ နောက်ထပ် လာရောက် လှူဒန်းမဲ့ Rotary အသင်းရဲ့ Katsukabe Club က ဥက္ကဌ နဲ့ လူကြီးတွေကို ထမင်းစားခန်း ထဲမှာ ဧည့်ခံ စကားပြောဖို့ စားပွဲတွေ ကုလားထိုင်တွေ ပြင်ရပါတယ်။ ပြောထားတဲ့ အချိန်မှာဘဲ ရောက်လာကြပြီး ပြင်ဆင်ထားတဲ့ အခန်းထဲမှာ ၄င်းတို့ အဖွဲ့ရဲ့ အကြောင်း၊ လှူဒန်းရတဲ့ ရည်ရွယ်ချက် စတာတွေကို ရှင်းလင်း ပြောပြပါတယ်။ အဲလို ပြောနေတဲ့ အချိန်တွင်းမှာ ဘဲ နောက်ထပ် ကားတွေ ထပ်ရောက်လာလို့ မိန်းကလေးတွေ ဘဲချန်ထား ခဲ့ပြီး ကျန်တဲ့လူ အကုန် ပစ္စည်းတွေ ပြေးချရ ပြန်ပါတယ်။ အဲဒီအချိန် မှာဘဲ ဂွန်းမခရိုင်၊ နိဂတ၊ တကာစကီ စတဲ့ နေရာတွေ ကနေ ထရပ်ကား အငယ်စားတွေ နဲ့ထပ်ထပ်ပြီး ရောက်လာ လို့ အခန်းထဲမှာ ကျန်ခဲ့တဲ့ မိန်းကလေးတွေရော ဧည့်သည်တွေပါ အပြင်ထွက် လာပြီး အားပေး လိုက်ရပါတော့တယ်။ ပြီးတော့ အပြင်မှာဘဲ ဘယ်ကိုပို့ပြီး လှူမလဲ၊ ဘယ်လို လှူမလဲ၊ စတာတွေ မေးမြန်းပြီး ပြန်သွား ကြရပါတယ်။ သူတို့လဲ ကျွန်တော်တို့ ဒီမှာ လုပ်နေတဲ့ ပမာဏနဲ့ အတိုင်းအတာ ကိုတွေ့သွားပြီး လိုအပ်တာတွေ ကို ဆက်လက် အကူအညီ ပေးသွားမယ်လို့ ပြောသွားပါတယ်။












ညနေ (၅) နာရီ လောက်မှာ ကားတွေလာတာ ရပ်သွားလို့ လဲနားဖို့ရာ စိတ်ကူးဖို့ တောင် အချိန်မရ လိုက်ကြပါဘူး။ အခန်းတွေ ထဲမှာ ထားစရာ ပစ္စည်းတွေက ဖရိုဖရဲနဲ့ ကျပ်နေလို့ ပြန်စီရ ပြန်ပါတယ်။ ကျွပ်ကျွပ်အိတ်တွေ၊ စက္ကူအိတ်တွေ နဲ့ ရောက်လာတာတွေ ကို ကတ်ထူပုံးတွေ ထဲ ထည့် ဖို့ ကလဲ ဦးစားပေး လုပ်ဖို့ လိုလာပါတယ်။ ဒါနဲ့ဘဲကျွန်တော်တို့ (၃) ယောက်လောက်က ကျောင်းနားတ၀ိုက် က စတိုးဆိုင်ကြီး တွေမှာ ပုံးအလွတ် တွေ သွားတောင်းဘို့ လက်တွန်းလှည်း တွေ နဲ့ ချက်ခြင်းဘဲ ထွက်ရပြန်ပါတယ်။ အားလုံးစားဖို့ ညနေစာ ချက်တဲ့ (၂) ယောက်က လွဲပြီး ကျန်ခဲ့တဲ့ လူတွေအားလုံး လဲ ပစ္စည်းတွေ ထားတဲ့ အခန်းတွေထဲ ၀င်ပြီး အိတ်ထဲက အ၀တ်တွေကို ကတ်ထူပုံးတွေ ထဲ ထည့်ရပါတော့တယ်။ အနီးအနားက ဆိုင်တွေကနေ တောင်းလို့ ရလာတဲ့ ပုံးတွေထဲကို တစ်ခါ ၀ိုင်းထည့် လိုက်ကြတာ ခဏနဲ့ ပြတ်သွားပြီး၊ ထည့်စရာတွေ က တောင်လိုပုံ နေသေးတာမို့ အဖွဲ့တွေ ခွဲပြီး ခပ်ဝေးဝေးက စတိုးဆိုင်တွေ နဲ့ ကျောင်းဝင်း အတွင်းမှာ နောက်တစ်ခါ ကတ်ထူပုံး ရှာပုံတော် ဖွင့်ရပြန်ပါတယ်။






ကတ်ထူပုံးချပ် တွေတင်ထား တဲ့ လက်တွန်းလှည်းကြီးတွေနဲ့ လမ်းပိတ်ပြီးသွားနေ တဲ့ ကျွန်တော်တို့ဟာ စိတ်မရှည်တဲ့ စက်ဘီးပေါ်က ဂျပန်မတွေရဲ့ ဘုရှိတ် ရှိတ်သွား တာတွေကိုလည်း လမ်းတလျောက်လုံး မကြာခဏ ကြုံခဲ့ရပါသေးတယ်။ ဒါတွေကို လျစ်လျူရှုပြီး အားကြိုးမာန်တက် တွန်းလာလိုက်တာ ပြန်ရောက်တော့ (၈) နာရီ ထိုးခါနီး နေပါပြီ။ အထုတ်တွေဖြည် ပုံးတွေထဲ ဆက်ထည့်နဲ့ (၈) နာရီ ခွဲလောက်မှာ ထမင်းချက်တဲ့ အဖွဲ့က စားလို့ ရပြီလို့ လာပြောတော့ လုပ်လက်စ ခဏရပ်ပြီး ချက်ထားတဲ့ နန်းကြီးသုတ် နဲ့ အုန်းနို့် ခေါက်ဆွဲဟင်းရည် ကို ၀ိုင်းပြီး အားပေးလိုက်တာ လောက်တောင် မလောက်ပါဘူး။ ပြီးတာနဲ့ ခေါက်ဆွဲပြား တောင် သိပ်မစီ လိုက်ရဘဲ ဆက်လုပ် လိုက်ကြတာ ည (၁၀) နာရီခွဲ လောက်မှာ ပြီးသလောက်ရှိ သွားပြီး၊ (၁၁) နာရီလောက်မှာ လက်စ သတ်နိုင် ခဲ့ကြပါတယ်။ အ၀တ်တွေ အားလုံးလည်း ပုံးတွေထဲ ရောက်သွားသလို သေသေချာချာ ထပ်ပြီးစီလိုက်တော့ နေရာတွေ ထွက်လာပါတယ်။ ဒီတော့မှ နောက်ထပ် ရောက်လာနိုင်တဲ့ ပမာဏ အတွက် နည်းနည်းလေး စိတ်အေး သွားနိုင်ခဲ့ကြပါတယ်။ ညကလဲနက်နေ၊ အားလုံးလဲ အတော်လေးကို ပင်ပန်း နေကြလို့ ရှေ့ဆက်လုပ် ရမှာတွေကို အတိုချုပ်ဆွေးနွေးပြီး လူစုခွဲလိုက်တော့ တောင်မှ တနင်္ဂနွေနေ့ ထဲအထိ ရောက်သွားခဲ့ ပါသေးတယ်။



ကိုကိုအောင်

ပထမဆုံးသော အ၀တ်အထည် container ကို မြန်မာနိုင်ငံ ဘူမိသိပ္ပံအသင်း သို့ ပေးပို့မည်။

ဆိုင်တမတက္ကသိုလ် မြန်မာကျောင်းသား များမှ အလှူခံ စုဆောင်းလျက် ရှိသော အ၀တ်အထည်များ မှာ ယခုအခါတွင် တန် (၂၀) ကျော် (၃၀) နီးပါးခန့် ရရှိနေ ပါသည်။ အ၀တ်အထည် (၁၀) တန်ကျော် ပါဝင်သော ပထမဆုံးသော container ကို ယခုလ နောက်ဆုံး သီတင်းပတ်တွင် မြန်မာနိုင်ငံ ဘူမိသိပ္ပံအသင်း သို့ပေးပို့ပြီး၊ ဘူမိသိပ္ပံအသင်း ၏ သဘာဝဘေးအန္တရာယ် အကူအညီပေးရေး ကော်မတီ အစီအစဉ်ဖြင့် နာဂစ်မုန်တိုင်း ဒုက္ခသည်များ ထံသို့ ဖြန့်ဝေ လှူဒန်း သွားမည် ဖြစ်ပါသည်။ ဒုတိယနှင့် တတိယ container များကိုလည်း ဆက်လက်၍ အမြန်ဆုံးပေးပို့သွားရန် စီစဉ်လျက် ရှိပါသည်။

အလှူငွေ များသွားရောက်ကောက်ခံ။

ဂျပန်နိုင်ငံတက္ကသိုလ်များတွင် ပညာသင်ကြားလျက် ရှိသော နိုင်ငံခြား ကျောင်းသား များအား ပညာသင် ထောက်ပံ့ကြေးများ ချီးမြှင့်နေသည့် Rotary အသင်းမှ ဆိုင်တမတက္ကသိုလ် မြန်မာကျောင်းသားများ ၏ နာဂစ်မုန်တိုင်း ဒုက္ခသည်များ အတွက် အ၀တ်အထည်များ ပေးပို့ လှူဒန်းမည့် အစီအစဉ်ကို အင်တိုက်အားတိုက် ကူညီလျက် ရှိနေပါသည်။ ၁၃.၀၆. ၂၀၀၈ နေ့တွင်လည်း ဆိုင်တမခရိုင် Kawaguchi မြို့တွင် ကျင်းပပြုလုပ်သည့် goudou kaikei Co., Ltd (http://www.godoh.co.jp) ၏ နှစ်ပတ်လည် အစည်းအဝေးပွဲတွင် သွားရောက် အလှူခံနိုင်ရန် Rotary အသင်းမှ စီစဉ်ပေးခဲ့ပါသည်။ ဆိုင်တမ တက္ကသိုလ်မှ ကျောင်းသူကျောင်းသား (၂) ဦးနှင့် အတူ တိုကျိုမြို့ရှိ အခြားကျောင်းများတွင် ပညာသင်ကြားလျက် ရှိနေကြသည့် မအေးအေးသျှင်၊ ကိုကျော်စိုးလင်း နှင့် နေခြည်စိုးလှိုင် တို့မှလဲ တကူးတက လာရောက်၍ ပါဝင်ကူညီ ပေးခဲ့ပါသည်။ အစည်းအဝေး တက်ရောက် လာကြသူများမှ မြန်မာနိုင်ငံမှ နာဂစ်မုန်တိုင်း ဒုက္ခသည်များအတွက် အ၀တ်အထည်များ ပေးပို့စရိတ် အလှူငွေ ယန်း (၉၀၀၀၀) ခန့် ထည့်ဝင် လှူဒန်း သွားကြောင်း သိရှိရပါသည်။

မြန်မာနိုင်ငံ ဘူမိသိပ္ပံအသင်း သဘာဝဘေးအန္တရာယ် ကာကွယ်စောင့်ရှောက်ရေး ကော်မတီ သို့ ဆက်သွယ်လှူဒန်းနိုင်ပါသည်။

သဘာဝဘေးအန္တရာယ် ဒဏ်ခံရသူများအား အဖက်ဖက်မှ (ကျန်းမာရေး၊ လူမှုရေး၊ စီးပွားရေး၊ ပညာရေး) ကူညီဆောင်ရွက် နိုင်ရန်၊ ဒုက္ခသည် သက်ကြီးရွယ်အိုများ၊ မိဘမဲ့ ကလေးများအား ထောက်ပံ့ကူညီရန်၊ ဘူမိသိပ္ပံ နည်းပညာ ပံ့ပိုးမှုဖြင့် ဒုက္ခသည်များ ပြန်လည် ထူထောင်ရေး လုပ်ငန်းများတွင် အားပေးကူညီရန် အတွက် မြန်မာနိုင်ငံ ဘူမိသိပ္ပံအသင်း မှ သဘာဝဘေးအန္တရာယ် ကာကွယ် စောင့်ရှောက်ရေး ကော်မတီ ကိုဖွဲ့စည်းခဲ့ကြောင်း သိရှိရပါသည်။ အဆိုပါ ကော်မတီ၏ အကြံပေး အဖွဲ့ဝင်များ အဖြစ် ဒေါက်တာဦးသိန်း၊ ဒေါက်တာ ဦးဝင်း ဆွေ၊ ဒေါက်တာဦးသင်း၊ ဦးစိုးမြင့်၊ ဦးသန်းဌေး၊ ဦးလှမင်း၊ ကြီးကြပ်ကွပ်ကဲရေး အဖွဲ့ဝင်များ အဖြစ် ဦးကြိုင်စိန်၊ ဦးသိန်းဝင်း၊ ဦးတင်ကျော်သန်း၊ ဦးတင့်နောင်၊ ဦးမင်းဆွေ၊ ဦးဇော်ဝင်း နှင့် လုပ်ငန်းကော်မတီတွင် ဥက္ကဌ ဦးအေးလွင်၊ အတွင်းရေးမှုး ဦးရဲမြတ်စိုး၊ တွဲဘက် အတွင်းရေးမှုး (၁) ဦးဇော်ဝင်းဦး၊ တွဲဖက် အတွင်းရေးမှုး (၂) ဦးစိုးသူရထွန်း တို့ ပါဝင် ကြကြောင်းလည်း သိရှိ ရပါသည်။ နာဂစ်မုန်းတိုင်း ဒဏ်ခံရသော ပြည်သူများ အတွက် ငွေအား၊ လူအား၊ ပစ္စည်းအား တို့ဖြင့် ပါဝင်နိုင်ရန် အဆိုပါ ကော်မတီနှင့် ဆက်သွယ်ရန် ဖိတ်ခေါ်ထားကြောင်း လေ့လာ သိရှိရ ပါသည်။

ဆိုင်တမတက္ကသိုလ် ကိုးရီးယားကျောင်းသားများ အဖွဲ့မှ လာရောက်လှုဒန်း။

မြန်မာနိုင်ငံမှ နာဂစ်မုန်တိုင်း　ဒုက္ခသည်များ　အတွက် ဆိုင်တမတက္ကသိုလ် ကိုးရီးယားကျောင်းသားများအဖွဲ့ （埼玉大学韓国留学生会）မှ လှုဒန်းသည့် ကလေးသုံး ပစ္စည်းများနှင့် အ၀တ်အထည်များ အပါအ၀င် ကျားမ၀တ်အင်္ကျီအစုံ (၁၀၀) ကျော် ကို Mr. Ahn Chan Wang (ဒုတိယနှစ် မဟာအင်ဂျင်နီယာ) မှ ယနေ့ ညနေခင်း (၁၀.၀၆.၂၀၀၈) တွင် ဆိုင်တမတက္ကသိုလ် နိုင်ငံတကာ ကျောင်းသားများ အဆောင်သို့ လာရောက်ပေးပို့ လှုဒန်းသွားပါသည်။

သီတဂူဆရာတော် Australia နိုင်ငံ Perth မြို့တွင် ရောက်ရှိ နေသည်။

သီတဂူဆရာတော်ကြီး Australia နိုင်ငံ Perth မြို့မှာ ရှိနေပါတယ်လို့ ဂျပန်မှာရှိတဲ့ ဒယကာရင်း တစ်ယောက်ထံမှ email ရောက်လာပါတယ်။ အလှူငွေကိစ္စနှင့် တခြား သိချင်တာများ ရှိပါက ဖုန်းဆက်နိုင်ပါတယ် လို့လဲဆိုပါတယ်။

သီတဂူဆရာတော်ကြီး၏ လက်ကိုင်ဖုန်း ( Australia ) +61 4139 555 73

ဆရာတော်ကြီး ဂျပန်ကို ကြွရောက်လာမဲ့ အစီအစဉ် အသေးစိတ်နှင့် ပတ်သတ်ပြီး စုံစမ်းမေးမြန်း လိုလျှင် ....

ကိုနိုင်အေး (၀၈၀-၆၇၆၈-၅၂၉၆)

သို့ ဆက်သွယ်နိုင်ကြောင်း သိရှိရပါသည်။

တိုကျိုစိုက်ပျိုးရေးနှင့် နည်းပညာတက္ကသိုလ် မှ ပါဝင်ကူညီ။

တိုကျိုစိုက်ပျိုးရေးနှင့် နည်းပညာတက္ကသိုလ် ( Tokyo University of Agriculture and Technology) (能工大)　တွင် ပညာသင်ကြားလျက် ရှိသော စိုက်ပျိုးရေးအထူးပြု မြန်မာကျောင်းသူများ မှ ၎င်းတို့ တက္ကသိုလ်နှင့် နေထိုင်ရာမြို့နယ် အတွင်းမှ စုဆောင်းကောက်ခံ ရရှိသော အ၀တ် အထည်များနှင့် အလှူငွေ ယန်း(၂၈,၀၀၀) ကို ယနေ့နံနက်တွင် ဆိုင်တမ တက္ကသိုလ် ထိ လာရောက်ပေးပို့ လှူဒန်းသွားပါသည်။

အ၀တ်အထည်များ (၁) တန်ကျော် ရရှိ။

ပြီးခဲ့သည့် တနင်္ဂနွေနေ့ (၁.၀၆.၂၀၀၈) မှာလဲ မြန်မာကျောင်းသားများ စုပေါင်းပြီး ထပ်မံရောက်ရှိလာသည့် အ၀တ်အထည်များ ကို အဆောင်အတွင်း၌ စနစ်တကျ ထုတ်ပိုးပြင်ဆင် ခဲ့ပါသည်။ ငွေကြေးနှင့် အ၀တ်အထည် လှူဒန်းမှုများ တစ်နေ့ထက် တစ်နေ့ တိုးတက်များပြား လာသဖြင့် လက်မလည်နိုင်အောင် ဘဲရှိနေသလို ကျောင်းအဆောင်မှာ စုစည်းထားသည့် အ၀တ်အထည် များမှာတင် (၁) တန် ကျော်ရရှိနေပြီဖြစ်ကြောင်း ကိုလည်း သတင်းကောင်း ပါးလိုက်ပါသည်။ ထို့နည်းတူ အလှူငွေကောက်ခံ ထားသည် မှာလဲ (၁၅) သောင်းခန့် ရရှိနေပါသည်။ လာမည့် သီတင်းပတ် အတွင်း၌လည်း ဆိုင်တမတက္ကသိုလ် အတွင်း အလှူငွေ ဆက်လက် ကောက်ခံရန် စီစဉ်လျက် ရှိပါသည်။ ဆိုင်တမတက္ကသိုလ်ရှိ မြန်မာကျောင်းသားများ အနေနှင့် ယခုကဲ့သို့ အချိန်တိုအတွင်း အ၀တ်အထည်နှင့် အလှူငွေများ မြောက်မြားစွာ စုဆောင်း ကောက်ခံ နိုင်ခြင်း မှာလည်း တခြားတက္ကသိုလ်များ မှ မြန်မာကျောင်းသား ကျောင်းသူများ၊ မြန်မာလူမျိုးများ ၏ အင်တိုက်အားတိုက် ပါဝင် ကူညီမှုများ ကြောင့် ဖြစ်ပါသည်။ ဘွဲ့ယူစာတမ်း၊ သုတေသနစာတမ်း များ ပေးအပ်ရန် အချိနအလွန် နီးကပ်နေသည့် ကျောင်းသား၊ကျောင်းသူများပင် တကူးတကပါဝင် လက်တွဲ ဆောင်ရွက် နေသည်များကို ကြုံရ၊ ကြားရသဖြင့် လဲ ၀မ်းသာ ဂုဏ်ယူမိပါသည်။ ဆက်လက်၍ ပါဝင်ကူညီ ဆောင်ရွက်မည် ဟုလည်း တထစ်ချ ယုံကြည်ပါသည်။


ထို့အတူ ကျွန်တော်တို့ မြန်မာလူမျိုးများ ဂျပန်နိုင်ငံတ၀ှမ်း အလျဉ်းသင့် သလို ပြုလုပ်နေကြသည့် ဆိုင်ကလုန်း ဘေးဒုက္ခသည်များ အတွက် အလှူခံ မှုများပြုလုပ်ရာတွင် ဂျပန်လူမျိုးများ ၏ အားတက်သရော ၀ိုင်းဝန်းကူညီ ထောက်ပံ့ပေးမှုများကို တွေ့မြင် ကြုံတွေ့ရလျက် ရှိပါသည်။ ကျွန်တော်တို့ အ၀တ်အထည်များ ထပ်မံပြင်ဆင် ထုတ်ပိုးသည့် တနင်္ဂနွေ နေ့ ၌ လည်း ဆိုင်တမနေ့စဉ် သတင်းစာမှ လက်ရှိဆောင်ရွက် နေမှုများကို လာရောက်လေ့လာ မေးမြန်းခဲ့ပြီး၊ ပိုမို၍ ကျယ်ကျယ်ပြန့်ပြန့် ဆောင်ရွက်နိုင်စေရန် ရည်ရွယ်ပြီး ယခုသီတင်းပတ် အကုန်တွင် ၎င်းတို့၏ သတင်းစာ၌ ထည့်သွင်းဖော်ပြ ပေးသွားမည် ဟုသိရှိရပါသည်။ ဤကဲ့သို့ ၀ိုင်းဝန်း ပံ့ပိုးကူညီမှုများ ကြောင့် ဆိုင်တမခရိုင် အတွင်းရှိ ဂျပန်လုပ်ငန်းရှင် များထံ မှ လည်း အ၀တ်အစားများ (၁၀) တန်ခန့် ထပ်မံ၍ အလှူခံရရှိထား ပါသည်။

Requests to Donors

元払いでお願いします。
（後払いはご遠慮下さい、受け取りません。）

With the campaign in progress, we are receiving the increased numbers of cloth parcels everyday and would like to express our sincere thanks to all donors participated in this activity to support the cyclone victims. With this pace, we would be able to fill up a whole loaf of container by the middle of june owing in part to a commitment made by a generous Japanese business man. However, we are experiencing a very frequent delivery of paid collections which made us to use tens of thousands of yens from charity fund that we intend to use for freight charges. In this regard, we highly recommend and very much appreciate if the parcels are sent by sender paid service. Subsequently, the initial screening of collected clothing has shown the unsuitable or inappropriate garment contents such as short mini skirts, braceless blouses, fur coats and business suites which do not match the nature of the people and the climate. We doubt to further include these items in the donation as the recipient back home may not feel a joy or may even upset with the item what he or she will receive. Therefore, please be advised you to screen the unsuitable garments and recommend to use the sender paid service. Thank you very much for your kind understanding and coorporation.



ဂျပန်တစ်နိုင်ငံလုံးမှ မြန်မာကျောင်းသား၊ကျောင်းသူများ၊ မြန်မာနိုင်ငံသားများနှင့် ဂျပန်ပြည်သူများ မှ အားတက်သရော ပေးပို့လှူဒန်းမှုများ ကြောင့် ယခုအချိန်ထိ အ၀တ်အထည်များ ကီလိုဂရမ် (၆၀၀) နီးပါးခန့် စုဆောင်းရရှိနေပြီ ဖြစ်ပါသည်။ မြန်မာနိုင်ငံမှ လေးဘေးသင့် ဒုက္ခသည်များ အတွက် ဤကဲ့သို့ လက်တွဲပါဝင် ကူညီပါဝင်မှုများ အတွက် အလွန်မှ ၀မ်းသာအားရ ဖြစ်မိပြီး လှူဒန်းမှုများ အပေါ်ကျေးဇူးအထူး တင်ရှိပါသည်။ ထို့အပြင် ဆိုင်တမခရိုင် အတွင်းရှိ ဂျပန်လုပ်ငန်းရှင် တစ်ဦးမှလည်း မြောက်မြားစွာသော အ၀တ်အစားများ ကို ထပ်မံ၍ ပေးပို့လှူဒန်းမည်ဟုလည်း ကတိပြုထားပါသည်။ ယခုနှုန်းထား အတိုင်းဆိုလျင် container သေတ္တာတစ်လုံးစာ အ၀တ်အစား များကို ရှေ့လအကုန် တွင်မြန်မာနိုင်ငံသို့ ပေးပို့နိုင်မည်ဟု ခန့်မှန်းထား ပါသည်။ သို့သော်လည်း အချို့နေရာများတွင် အခက်အခဲ အကျပ်အတည်း အနည်းငယ်နှင့် ကြုံတွေ့နေရပါသည်။ ပထမ တစ်ခု မှာ အ၀တ်အထည် များပေးပို့ စရိတ်ကို ကျွန်တော်တို့ လက်ခံသည့် ဘက်မှ ပေးချေနေရပါသည်။ အနည်းအကျည်း ဆိုလျင် မသိသာလှသေး သော်လည်း ယခုအခါ နေ့စဉ်ရက်ဆက် ဆိုသလို သောင်းဂဏန်းဖြင့် ပေးချေရွေးယူနေရ ပါသောကြောင့် အချိန်ကြာလာသည်နှင့် အမျှ ငွေကြေးအကြပ်အတည်းနှင့် ကြုံရလာနိုင် ပါသဖြင့် ပေးပို့လှုဒန်းသည့် အခါ မိမိဘက်မှ ပေးချေ၍ ပေးပို့ခြင်းဖြင့် ပါဝင်လှူဒန်း ကြပါရန် မေတ္တာရပ်ခံပါသည်။



အခြားတစ်ခုမှာ ပေးပို့လာသည့်အ၀တ်အစား များတွင် မြန်မာနိုင်ငံမှ လေဘေးဒုက္ခသည်များ ၏ ရေမြေသဘာဝနှင့် သင့်တော်ကောင်းမွန်သော၊ အသုံးတည့်သော အ၀တ်အထည် အသုံးအဆောင်များ မြောက်မြားစွာပါဝင် သော်လည်း၊ လုံးလုံး မအပ်စပ်သော အ၀တ်အထည်များလဲ ပါဝင်နေသည်ကို တွေ့ရပါသည်။ ဂျပန်ပြည်သူများ ထံမှ အလှူခံသည့် အခါတွင် အဆိုပါ ခေတ်ပေါ် အ၀တ်အထည် ပစ္စည်းများပါဝင် လာသည်ကို ရှောင်လွဲ၍ ရနိုင်မည် မဟုတ်သော်ငြားလည်း ယင်းအ၀တ်အထည် များကို မပေးပို့မည် အကြမ်းဖျဉ်း စီစစ်၍ ပေးပို့ နိုင်မည်ဆိုလျင် ယခု ကျွန်တော်တို့ ကြုံတွေ့ နေရသော အချို့အခက်အခဲများကို များစွာ လျော့နည်းသွား ပါစေလိမ့်မည်။ သို့ဖြစ်ပါသော ကြောင့် အ၀တ်အထည်များ ပေးပို့ လှူဒန်း သည့် အခါ၌ အနည်းငယ် စီစစ်၍ စရိတ်ပေးချေကာ ပေးပို့ လှူဒန်းခြင်းဖြင့် ကူညီကြပါရန် မေတ္တာရပ်ခံ နိူးဆော်အပ်ပါသည်။

Myanmar studetns and alumni
(Saitama University)

သီတဂူဆရာတော်ဘုရားကြီး၏ ဂျပန်ခရီးစဉ်။

ဆိုင်တမတက္ကသိုလ်မြန်မာကျောင်းသားများ၏ ဘဏ်စာရင်း

銀行　　　　株式会社ゆうちょ銀行
名前　　　　埼玉大学ミャンマー留学生協会
記号　　　　１０３２０
番号　　　　１６１６９７０１
電話番号　０９０－９９７０－０７５７

အလှူငွေထည့်ဝင်လှူဒန်းလိုသူများ အနေဖြင့် အထက်ဖော်ပြပါ စာတိုက် ငွေစာရင်းအမှတ်သို့ ပေးပို့လှူဒန်းနိုင်ပါသည်။ စုဆောင်းကောက်ခံရရှိသော အလှူငွေများကို မြန်မာနိုင်ငံသို့ အ၀တ်အထည်များ ပေးပို့သည့် နေရာတွင် အသုံးပြုမည်ဖြစ်ပြီး၊ ပိုလျှံပါက အခြားအသုံးလိုသောပစ္စည်းများဝယ်ယူ လှူဒန်းခြင်း၊ ငွေကြေးလှူဒန်းခြင်းများ ဆောင်ရွက်သွားပါမည်။ ကောက်ခံရရှိ သော ငွေစာရင်းကိုလဲ အသေးစိတ် အလျဉ်းသင့်သလို ဆက်လက်ဖော်ပြ သွားပါမည်။

မြန်မာကျောင်းသားများအဖွဲ့(တိုကျို)ကို ဖွဲ့စည်း

ဂျပန်နိုင်ငံတွင်လာရောင်ပညာသင်ကြားလျက်ရှိသော မြန်မာကျောင်းသား အရေအတွက်သည် တစ်နှစ်ထက်တစ်နှစ် ပိုမိုတိုးတက်များပြားလာလျက် ရှိနေပါသည်။ ဂျပန်ဘာသာသင်တန်းကျောင်းများမှသည် ထိပ်တန်း တက္ကသိုလ်များထိ ဂျပန်နိုင်ငံအစိုးရ၏ ပညာသင်ထောက်ပံ့မှုအစီအစဉ်ဖြင့် သော်လည်းကောင်း၊ မိမိအစီအစဉ်ဖြင့်သော်လည်းကောင်း၊ အထူးပြုဘာသာရပ် အသီးသီးတွင် ဒီပလိုမာ၊ ဘွဲ့ကြို၊ မဟာဘွဲ့၊ ပါရဂူဘွဲ့များမှသည် ပါရဂူဘွဲ့လွန်သင်တန်းများ တွင်တက်ရောင်နေကြသူစုစုပေါင်းမှာ ရာပေါင်း များစွာပင်ရှိနေပါသည်။ သို့သော်လည်း မိမိတို့နှင့် နီးစပ်ရာ လက်လှမ်းမှီရာ အချင်းချင်းသာ ရင်းနှီး ဆက်သွယ်မှုရှိကြပြီး ပညာရပ်ဆိုင်ရာနှင့် လူမှုရေးဆိုင်ရာ လုပ်ငန်းများတွင် ကျယ်ကျယ်ပြန့်ပြန့်၊ စုစုစည်းစည်း ပူးပေါင်းနှီးနှော ဆောင်ရွက်မှုများ မရှိသလောက်နည်းပါးခဲ့ပါသည်။ ဂျပန်နိုင်ငံရှိ အခြား နိုင်ငံခြားသား ကျောင်းသားများအနေဖြင့် လွန်ခဲ့သောနှစ်အနည်းငယ်ကပင် စတင်ပြီး မိမိတို့နိုင်ငံအလိုက် ရပ်ဝေးမြေခြား ကျောင်းသားအဖွဲ့အစည်းများ ဖွဲ့စည်းကာ ပညာရေး၊ လူမှုရေးနှင့် ယဉ်ကျေးမှုဆိုင်ရာများကို တက်တက်ကြွကြွနှင့် ကျယ်ကျယ်ပြန့်ပြန့် ပူးပေါင်းဆောင်ရွက်နေကြ သည်များမှာ အလွန်အားကျစရာကောင်းလှပါသည်။

သို့သော်လည်း ယခုကဲ့သို့ကျွန်တော်တို့နိုင်ငံမှာ မုန်တိုင်းဒဏ်ကို ဆိုးရွားစွာ ခံလိုက်ရတဲ့ သန်းနဲ့ချီတဲ့ မြန်မာပြည်သူလူထုကို မိမိတို့တက်နိုင်သလောက် တစ်ဖက်တစ်လမ်းမှ ကူညီဆောင်ရွက်နေကြတဲ့ အခါမှာတော့ နေထိုင်ရာ ဒေသအလိုက်၊ပါဝင်ပတ်သတ်သည့် အဖွဲ့အစည်းအလိုက်၊ ကျောင်းအလိုက်တွေ တင်မကတော့ဘဲ ယခင်ကထက်ပိုမိုတက်တက်ကြွကြွဖြင့် ပူးပေါင်းဆောင်ရွက် နေကြသည်များကို တွေ့မြင်နေရပါသည်။ ဤကဲ့သို တစ်နိုင်ငံလုံးမှာရှိတဲ့ မြန်မာကျောင်းသားများရဲ့ ပိုမိုပူးပေါင်းဆောင်ရွက်လာ နိုင်မှုကိုရှေးရှုပြီး တိုကျိုတက္ကသိုလ်မှ ကျောင်းသား၊ကျောင်းသူများမှ ဦးဆောင်ကာ မြန်မာကျောင်းသားများအဖွဲ့ (တိုကျို) (Myanmar Student’s Association in Tokyo) (MSA) ကို စတင်ဖွဲ့စည်းလိုက်ပါသည်။ အဖွဲ့ရဲ့ ရည်ရွယ်ချက်ကတော့ ဂျပန်တစ်နိုင်ငံလုံး မှာရှိနေကြတဲ့ မြန်မာကျောင်းသားများ ပညာရပ်ဆိုင်ရာ၊ ယဉ်ကျေးမှုဆိုင်ရာနှင့် လူမှုရေးဆိုင်ရာ ကိစ္စရပ်များတွင် ပိုမိုထိထိရောက်ရောက် ပူးပေါင်းဆောင်ရွက် နိုင်ရန်နှင့် ယခုလတ်တလော ဆောင်ရွက်နေသည့် မုန်တိုင်းသင့် ဒုက္ခသည်များ အတွက် အလှူငွေ ပစ္စည်းများစုဆောင်း ကောက်ခံနေသည့် လှုပ်ရှားမှုများကို ပိုမိုအရှိန်မြင့် ဆောင်ရွက်နိုင်ရန် တို့ဖြစ်ပါသည်။ လတ်တလောအနေဖြင့် Googlegroup မှာ Group (MSA Group) တစ်ခုအနေနဲ့ဖွင့်လှစ်ထားပြီး (http://groups.gogle.com/group/MSA_Tokyo?hl=en) မှတဆင့် ၀င်ရောက်ကြည့်ရှုပြီး ဆက်သွယ်ပါဝင် နိုင်သလို အကြံဥာဏ်များ ကိုလဲပေးပို့ဆွေးနွေးနိုင်ပါသည်။



ဖွဲ့စည်းပြီးစအချိန်မှာဘဲ MSA အဖွဲ့အနေဖြင့် မြန်မာမုန်တိုင်းသင့် ဒုက္ခသည်တွေ အတွက် အလှူငွေများ တိုးတက်ကောက်ခံရရှိရေး အတွက်စတင် လှုပ်ရှားခဲ့ပါတယ်။ ၁၇-၀၅-၂၀၀၈ မှာ Odaiba က ဈေးရောင်းပွဲတော်မှာ မြန်မာဆိုင် ဖွင့်လှစ်ရောင်းချပြီး အလှူငွေများ ရှာဖွေခဲ့တယ်လို့သိရပါတယ်ခင်ဗျာ။

သီတဂူဆရာတော်ဘုရားအားလျောက်ထားမေးမြန်းချက်။

ဧရာဝတီတိုင်းအတွင်းမှ မုန်တိုင်းကြောင့် ဘေးသင့်ဒုက္ခရောက်နေကြသူတွေကို အားကျိုးမာန်တက်ကယ်ဆယ်ရေးနဲ့ ပြန်လည်ထူထောင်ရေးတွေ လုပ်ပေးနေတဲ့ သီတဂူဆရာတော်ဘုရား စင်္ကာပူနိုင်ငံမှာ ရောက်ရှိနေတဲ့ ၂၅-၀၅-၂၀၀၆ နေ့မှာ ဂျပန်နိုင်ငံ၊ဆိုင်တမတက္ကသိုလ်မှ မြန်မာ ကျောင်းသားတစ်စုက အလှူကိစ္စတွေနဲ့ပတ်သတ်ပြီးတယ်လီဖုန်းဖြင့်ဆက်သွယ်ပြီး လျောက်ထား မေးမြန်းချက် များကိုအခြားလှူဒန်းလိုသူများပါသိရှိနိုင်ဖို့အတွက် ဖော်ပြ ပေးလိုက်ပါတယ်။ သီတဂူဆရာတော်ဘုရားကြီးဟာ ယခုလက်ရှိမှာ ဧရာဝတီတိုင်း၊ ဘိုကလေးမြို့နယ် အတွင်းရှိ ကျေးရွာများမှ ပျက်စီးသွားသော ဆေးရုံများပြန်လည်တည်ပေးခြင်း၊ စာသင်ကျောင်းများနှင့် ဘုန်းတော်ကြီး ကျောင်းများ ပြန်လည်ပြင်ဆင်တည်ဆောက်ရေးလုပ်ငန်းမျာနှင့် ဒုက္ခသည် များအတွက်အခြေခံလိုအပ်ချက်များ ဖြည့်ဆည်းပေးရေး စသည့် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိပါတယ်။ ကျွန်တော်တို့ရဲ့လျောက်ထားမေးမြန်ချက်များကို ဆရာတော်ရဲ့တရားပွဲအပြီး စကာင်္ပူစံတော်ချိန် ည ၁၁ နာရီခန့်မှာ စိတ်ရှည် လက်ရှည် ဖြေကြားပေးခဲ့ပါတယ်။

မေး။ အရှင်ဘုရား တပည့်တော်တို့ ဂျပန်နိုင်ငံက တက္ကသိုလ်တစ်ခုမှာ ပညာသင်ကြားနေတဲ့ ကျောင်းသားတွေပါဘုရာ.၊ အရှင်ဘုရား ဆောင်ရွက် လျက်ရှိတဲ့ ကယ်ဆယ်ရေးနဲ့ ပြန်လည်ထူထောင်ရေး လုပ်ငန်းတွေမှာ ဂျပန်နိုင်ငံမှ ပါဝင်လှူဒန်းလိုတဲ့အတွက် သိချင်တာလေးတွေကို လျောက်ထားမေးမြန်းခွင့် ပြုပါဘုရာ့။

ဖြေ။ အေး ဂျပန်ကလားကွ။ မေးပါ၊ သိချင်တာတွေအကုန်လုံး ဘုန်းဘုန်း ဖြေပေးပါမယ်။

မေး။ ပထမဦးဆုံးအနေနဲ့ ငွေသားအလှူရှင်တွေကို ကျေးဇူးတင်လွှာ၊ ဒါမှမဟုတ် လက်ခံရရှိကြောင်း စာရွက်စာတမ်း စသည်ဖြင့် ပြန်ပြီးပေးနိုင်မလားဆိုတာကို သိပါရစေဘုရာ.။ ဒါက တပည့်တော်တို့ ဒီမှာ အလှူငွေဆက်တိုက်ကောက်ခံတဲ့ နေရာမှာ အလွန်ကို အရေးကြီးလို့ပါဘုရာ့။

ဖြေ။ ဟာ ဒါပေးရမှာပေါ့၊ လိုတာပေါ့ကွာ။ ဘုန်းဘုန်းကိုယ်တိုင် sign ထိုးပြီး ပေးမယ်။ သီတဂူ ကျောင်းတံဆိပ်တုန်းထုပြီး အလှူရှင်လိပ်စာအတိုင်းစာတိုက် ကနေတဆင့် ပြန်ပို့ပေးမယ်။ Email တွေဘာတွေနဲ့လဲ ပြန်ပို့ပေးနိုင်အောင် ဘုန်းဘုန်းသေချာ စီစဉ်ပေးမှာပေါ့။ ဓါတ်ပုံတွေ ဘာတွေလဲ ပြန်ပို့ ပေးနိုင်အောင် လုပ်ပေးပါမယ်။

မေး။ နောက်တစ်ခုကဘုရာ့၊ ဒီအလှူငွေတွေကို ဘယ်လိုနေရာတွေမှာ အသုံးပြုဖို့ ရာထားတယ်ဆိုတာမျိုးကိုရော ပြောပြနိုင်ပါမလား ဘုရာ့၊ အကြမ်းဖျင်းလောက်ပါ ဘုရာ့။

ဖြေ။ လောလောဆယ် ဘုန်းဘုန်းတို့ဆီမှာ အလှူ ငွေ ဒေါ်လာ ခြောက်သောင်းလောက်ရထားပါတယ်။ ဆက်ပြီးတော့ လဲလှူနေကြ တုန်းပါဘဲ။ အေး နံပါတ် (၁) က ကျေးရွာတွေမှာ ပြိုပျက်သွားတဲ့ ဆေးရုံတွေ အသစ်ပြန်လည် တည်ဆောက်တဲ့နေရာတွေမှာ၊ ပျက်ဆီးသွားတဲ့ စာသင်ကျောင်းလေးတွေ ဘုန်းတော်ကြီးကျောင်းတွေ ပြန်လည်တည်ဆောက် ပေးတဲ့ နေရာတွေမှာ သုံးမယ်။ အဲဒီ (၃) ခုမှာ အဓိကသုံးမယ်။ နောက်ပြီးတော့ လူနေအိမ်တွေ အတွက် သွပ်မိုးတွေ၊ အိုးခွက်ပုဂံ တွေ လှူဒန်းပေးမယ်။ ဒါတွေ သူတို့မှာ မရှိကြတော့ ဘယ်လောက်ဒုက္ခရောက်ကြမလဲ စဉ်းစာသာကြည့်ကြပေါ့ကွာ။ ဒီအိုးတွေ ခွက်တွေအတွက် အကုန်းလုံး အော်ဒါမှာထားပြီးပြီ။ နောက်ပြီး အခုဒီစင်္ကာပူကို လာတယ်ဆိုတာလဲ အလှူခံရင်းနဲ့ ဆေးရုံသုံး ပစ္စည်းတွေလဲလာဝယ်တာ။ ဟိုမှာက ဘာဆို ဘာမှကို မကျန်တော့ဘူး။ ဒါပေမဲ့ အခု ဆေးတွေကတော့ တန်နဲ့ချီပြီးရောက်နေပါပြီ။

မေး။ အဲဒီလုပ်ငန်းတွေကို ဘယ်နေရာ၊ ဘယ်ဒေသတွေမှာ လုပ်ကိုင်နေတယ်၊ လုပ်ဆောင်မယ်ဆိုတာကို သိရနိုင်မလားဘုရာ့။

ဖြေ။ အခုလက်ရှိကတော့ ဘိုကလေးဘက်မှာပါ။ အသေးစိတ်တွေကိုတော့ ဘုန်းဘုန်းတို့ရဲ့ website မှာ ကြည့် ကြည့်ကြပါ။


မေး။ နောက်တခုကဘုရာ့၊ တပည့်တော်တို့ တတွေပေါ့ ဂျပန်ကနေ ဘာတွေများ ပေးပို့လှူဒန်းရင်ကောင်းမယ်လို့ထင်ပါသလဲဘုရာ့။

ဖြေ။ လှူနိုင်မယ်ဆိုရင်တော့ စောင်တို့ ဘာတို့ လိုသေးတာပေါ့၊ နောက်ပြီး လုံခြည် အင်္ကျီ ချုပ်ဘို့ ပိတ်အုပ်တွေရရင်ကောင်းတာပေါ၊ ဖြတ်ဖြတ်ပြီးဝေပေးလိုက်နိုင်တာပေါ့၊ အလွယ်ဆုံးပေါ့ကွာ။ အင်္ကျီအ၀တ်အစားဆိုရင်လည်း ဒီကလူတွေနဲ့ သင့်တော်မှပို့ပေါ့ကွာ၊ သင့်မလား၊ မသင့်ဘူးလားဆိုတာကို အရင်စဉ်းစားပြီးမှပို့ပါ။ အံဝင်ဂွင်ကျ မဖြစ်ရင် ဒကာတို့ ပို့လိုက်တာတွေ အလကားဖြစ်ကုန်မယ်။
ပြီးတော့ ရန်ကုန်မှာကို လာလှူထားတွေ မနည်းမနောရှိနေတယ်။

မေး။ တခြား ရေသန့်ဆေးပြားတွေ ဘာတွေရောလိုအပ်ပါသေးလားဘုရာ့။

ဖြေ။ ရေသန့်ဆေးပြားတွေကတော့ ကွာ ဂျပန်ကနေ ပိုဖို့ မလိုပါဘူး၊ ရန်ကုန်မှာ အများကြီးရောက်နေပါပြီ။ ငွေကြေး လှူဒန်းမှုကတော့လောလောဆယ်မှာ အသင့်တော်ဆုံးဘဲပေါ့။ လိုတဲ့နေရာမှာ ချက်ခြင်းသုံးလို့ရတာပေါ့။

မေး။ အခုလိုသိရတာအင်မတန်မှ အကျိုးရှိလှပါတယ်ဘုရာ့၊ ဂျပန်က လှူဒန်းလိုတဲ့ သူတွေဆီကိုလဲ ဆက်လက်ပြီး အကြောင်းကြားပေး ပါမယ်။

ဖြေ။ အေး ကောင်းပါတယ်၊ လုပ်ပါ။ ဘုန်းဘုန်း ကိုယ်တိုင် လာနိုင်မယ်ဆိုရင်တော့ပိုကောင်းတာပေါ့ကွာ။ အဓိက ကတော့ ဖိတ်စာရရင်တော့ လာနိုင်အောင်ကြိုးစားမယ်ကွာ၊ လေယဉ်ပျံလက်မှတ်တွေ နေဖို့ထိုင်ဖို့တွေ က ကိုယ့်ဘာသာ စီစဉ်လို့ရပါတယ်။

မေး။ အရှင်ဘုရား၊ တပည့်တော်တို့ကို ဘာများ မှာကြားချင်ပါသေးသလဲဘုရာ့။

ဖြေ။ အေး တစ်ခုကွ၊ အဲဒီဂျပန်မှာ ဘုန်းဘုန်းရဲ့ တပည့်ဒါယကာ အရင်းတစ်ယောက်ရှိတယ်။ အဆက်အသွယ်ပြတ်နေတာကြာပြီ၊ နိုင်အေးတဲ့၊ မော်လမြိုင်က၊ အသက်က ၃၅နှစ် လောက်ရှိမယ်။ ဂျပန်အမျိုးသမီးနဲ့ အိမ်ထောင်ကျနေတယ်လို့ကြားတယ်။ သူ့ကို ဘုန်းဘုန်းဆက်သွယ်ချင်တယ်။ အဲဒါ ဖြစ်နိုင်ရင် ဒကာတို့ ၀ိုင်စုံစမ်းပြီး တွေ့ရင် ဘုန်းဘုန်း ဒီဖုန်းကိုဆက်သွယ်ပါလို့ ပြောပေးပါ။

မေး။ ကောင်းပါပြီဘုရာ့၊ တပည့်တော်တို့ ကျုိုးစားစုံစမ်းကြည့်ပေးပါမယ်ဘုရာ့။ အခုလိုစိတ်ရှည်လက်ရှည် ဖြေကြားပေးတဲ့ အတွက် အထူးကျေးဇူး တင်ရှိပါတယ်ဘုရာ့။ အခုလို အရှင်ဘုရားထံလျောက်ထားမေးမြန်း ထားတာတွေကို တပည့်တော်တို့ Internet မှာ ဖော်ပြလိုက်လို့ ရမလားဘုရာ့၊ အခြားဆက်သွယ်လှူဒန်းလိုသူတွေလဲ သိရအောင်လို့ပါဘုရာ့။

ဖြေ။ အေး ရပါတယ်။ ကောင်းတာပေါ့ကွာ။ ဖော်ပြပေးလိုက်ပါ။ မေးစရာမရှိတော့ရင် ဖုန်းချလိုက်တော့မယ်။

မေး။ တင်ပါ့ဘုရား၊ တပည့်တော်တို့လဲ အရှင်ဘုရားကိုဒီကနေ ရှစ်ခိုးဦးတင်ပါတယ်ဘုရာ့။


သီတဂူဆရာတော်ဘုရား ဟာ စင်္ကာပူနိုင်ငံကနေ မနက်ဖြန် (၂၇-၀၅-၂၀၀၈) မှာ ရန်ကုန်ကို ပြန်လည်ကြွချီမှာ ဖြစ်ပြီး၊ ယင်းအချိန်ထိ စင်္ကာပူဖုန်းနံပါတ် (၆၅) ၈၃၈၁-၀၅၉၄ သို့ခေါ်ဆိုဆက်သွယ်နိုင်ပါတယ်။

အ၀တ်အထည်များစတင်စုဆောင်း

ဂျပန်နိုင်ငံ၊ဆိုင်တမတက္ကသိုလ်မှမြန်မာကျောင်းသားများနှင့် ကျောင်းသားဟောင်း များမှဆိုင်ကလုန်းမုန်တိုင်း ဒဏ်ခံခဲ့ကြရသော မြန်မာနိုင်ငံမှဒုက္ခသည်များ ကိုပေးပို့ကူညီရန် အ၀တ်အထည်များကို စတင်စုဆောင်းအလှူခံ လျက်ရှိပါသည်။ ဤကဲ့သို့စုဆောင်းရာတွင် ဒေသခံကျောင်းသားများနှင့် ဂျပန်လူမျိုးများထံမှ သာမက၊ ဂျပန်နိုင်ငံ အခြားအရပ်ဒေသများရှိ မြန်မာလူမျိုးများ၊ မြန်မာကျောင်းသားမှလဲ မိမိတို့အစီအစဉ်ဖြင့် စုဆောင်း ၍ပါဝင်ပေးပို့ လှူဒန်းလျက်ရှိပါသည်။ စုဆောင်း လက်ခံရရှိသောအ၀တ်အထည်များကို မြန်မာနိုင်ငံမှ မည်သည့်အဖွဲ့အစည်းနှင့် ဆက်သွယ်လှူဒန်း နိုင်မည်ကို အတိအကျမဆုံးဖြတ် ရသေးသော်လည်း ဒုက္ခသည်များထံတိုက်ရိုက် ပို့ဆောင်ဖြန်ဖြူးပေးနိုင်မည့် သူများ၊ အဖွဲ့အစည်းများ နှင့်ဆက်သွယ်ညှိနှိုင်း ဆောင်ရွက်လျက်ရှိပါသည်။ အ၀တ်အထည်ပေးပို့လှူဒန်း လိုသူများ၊ ပေးပို့စရိတ် ပါဝင်လှူဒန်း လိုသူများ အနေဖြင့် အောက်ဖော်ပြပါ တယ်လီဖုန်းနံပါတ်များသို့ ၁၅-၀၆-၂၀၀၈ နောက်ဆုံးထား၍ ဆက်သွယ် မေမြန်းစုံစမ်းနိုင်ပါသည်။

ဆက်သွယ်ရန်......

၁. ကိုသန့်စင် (၀၉၀-၉၃၇၆-၆၈၇၀)
၂. ကိုအောင်ကိုစိုး (၀၉၀-၉၉၇၀-၀၇၅၇)
၃. ကိုအောင်နန္ဒ (၀၉၀-၄၄၃၈-၀၁၈၀)
၎. ကိုကြည်မင်းထွတ် (၀၈၀-၃၄၄၂-၁၀၆၅)
၅. ကိုဝဏမျိုးမြတ် (၀၉၀-၄၂၂၇-၄၆၀၇)